لاہور: عدالت نے علیمہ خان کے چوتھی مرتبہ ناقابلِ ضمانت وارنٹ گرفتاری جاری کرتے ہوئے انہیں گرفتار کر کے 24 اکتوبر کو عدالت میں پیش کرنے کا حکم دے دیا۔
اس بار عدالت نے سٹی پولیس آفیسر کو وارنٹ گرفتاری پر عمل درآمد یقینی بنانے کی ہدایت جاری کی ہے۔
سماعت کے دوران علیمہ خان کے ضامن محمد شریف عدالت میں پیش ہوئے۔ یاد رہے کہ گزشتہ سماعت پر عدالت نے ضامن کے بھی وارنٹ گرفتاری جاری کیے تھے۔
محمد شریف نے علیمہ خان کی ایک لاکھ روپے مالیت کی ضمانتی گارنٹی جمع کرا رکھی ہے۔
عدالت نے واضح کیا کہ بار بار طلبی کے باوجود علیمہ خان کی عدم حاضری ناقابلِ قبول ہے اور اس بار گرفتاری یقینی بنائی جائے۔