عالمی اور مقامی مارکیٹوں میں سونے کی قیمتوں میں کمی، چاندی کی قیمتوں میں اضافہ

عالمی اور مقامی مارکیٹوں میں سونے اور چاندی کی قیمتوں میں نمایاں تبدیلی دیکھی گئی ہے۔ عالمی سطح پر سونے کی قیمتوں میں کمی کے باعث مقامی مارکیٹ میں بھی کمی ریکارڈ کی گئی، جبکہ چاندی کی قیمتوں میں اضافہ مسلسل جاری رہا۔
بین الاقوامی مارکیٹ میں تین روزہ وقفے کے بعد فی اونس سونے کی قیمت 15 ڈالر کی کمی کے ساتھ 5,082 ڈالر ہو گئی، جس کے اثرات مقامی صرافہ مارکیٹ میں بھی دیکھے گئے۔ یہاں 24 قیراط کے فی تولہ سونے کی قیمت 1,500 روپے کی کمی کے ساتھ 5,30,562 روپے اور فی دس گرام سونے کی قیمت 1,286 روپے کم ہو کر 4,54,871 روپے ہو گئی۔
اسی دوران، عالمی مارکیٹ میں فی اونس چاندی کی قیمت 2.12 ڈالر کے اضافے سے 111.65 ڈالر تک پہنچ گئی، جس کے باعث مقامی مارکیٹ میں فی تولہ چاندی کی قیمت 212 روپے اضافے کے ساتھ 11,640 روپے اور فی دس گرام چاندی کی قیمت 182 روپے بڑھ کر 9,979 روپے تک جا پہنچی۔