راولپنڈی: خاتون کو شاپنگ کا جھانسہ دے کر زیادتی کا نشانہ بنانے والے مجرم کو سخت سزا سنا دی گئی۔
تفصیلات کے مطابق ایڈیشنل ڈسٹرکٹ اینڈ سیشن جج راولپنڈی نے تھانہ پیر ودھائی میں درج زیادتی کے مقدمے کا فیصلہ سناتے ہوئے مجرم طاہر سلیم کو 25 سال قید، 5 لاکھ روپے جرمانہ اور 2 لاکھ روپے ہرجانے کی سزا سنائی۔
عدالتی حکم سنتے ہی پولیس نے مجرم کو کمرہ عدالت سے گرفتار کر لیا۔
مجرم نے خاتون کو شاپنگ کا لالچ دے کر بلایا اور زبردستی زیادتی کا نشانہ بنایا تھا، جس پر مارچ 2024 میں تھانہ پیر ودھائی میں مقدمہ درج کیا گیا تھا۔
