سیب کے سرکے کے حیرت انگیز فوائد، جنہیں اکثر لوگ نظر انداز کرتے ہیں

زیادہ تر گھروں میں سفید سرکہ عام استعمال ہوتا ہے، مگر سیب کا سرکہ صحت کے لیے زیادہ فائدہ مند ثابت ہوسکتا ہے۔ سیبوں، خمیر اور دیگر اجزا سے تیار کردہ یہ سرکہ کھانوں، سلاد، اچار اور مختلف مقاصد کے لیے استعمال کیا جاتا ہے۔ اگر اسے روزمرہ کا حصہ بنا لیا جائے تو یہ کسی بھی ہیلتھ سپلیمنٹ سے زیادہ مفید ثابت ہو سکتا ہے، کیونکہ اس میں قدرتی اجزا اور اہم غذائی مرکبات شامل ہوتے ہیں۔

بلڈ شوگر کنٹرول میں مددگار
ذیابیطس ٹائپ 2 کے مریضوں کے لیے بلڈ شوگر کو متوازن رکھنا ایک چیلنج ہوتا ہے، کیونکہ ان کا جسم انسولین کو مؤثر طریقے سے استعمال نہیں کر پاتا۔ مختلف تحقیقات کے مطابق، سیب کے سرکے کا استعمال بلڈ شوگر کی سطح کو مستحکم رکھنے میں مددگار ثابت ہوسکتا ہے۔ باقاعدگی سے استعمال کے نتیجے میں چند ہفتوں میں شوگر کی سطح میں واضح کمی دیکھی جا سکتی ہے۔

وزن کم کرنے میں معاون
اگر وزن کم کرنے کی کوشش کر رہے ہیں تو سیب کا سرکہ آپ کے لیے مددگار ثابت ہو سکتا ہے۔ اس میں موجود تیزابیت بھوک کو کم کرنے کے ساتھ ساتھ میٹابولزم کو بہتر بناتی ہے۔ ماہرین کے مطابق، یہ سرکہ ہاضمے کے عمل کو بہتر کرتا ہے اور کھانے کو جلدی ہضم کرنے میں مدد دیتا ہے، جس سے وزن کم ہونے میں آسانی ہوتی ہے۔

کولیسٹرول کم کرنے میں مددگار
جسم میں کولیسٹرول کی مقدار بڑھنے سے دل کے امراض کا خطرہ بڑھ جاتا ہے، جو کہ فالج اور ہارٹ اٹیک جیسی بیماریوں کا سبب بن سکتا ہے۔ تحقیق سے یہ بات سامنے آئی ہے کہ سیب کا سرکہ کولیسٹرول کی سطح کو کم کرنے میں مددگار ثابت ہوتا ہے، جس سے دل کی صحت کو بہتر بنایا جا سکتا ہے۔

سانس کی ناخوشگوار بو کا خاتمہ
اگر روزانہ برش کرنے کے باوجود منہ کی بدبو ختم نہیں ہوتی تو سیب کا سرکہ مددگار ثابت ہوسکتا ہے۔ ایک چائے کا چمچ سرکہ پانی میں ملا کر کلیاں کریں یا پی لیں، اس سے بو پیدا کرنے والے بیکٹیریا کا خاتمہ ہوتا ہے اور سانس کی ناخوشگوار بو کم ہو جاتی ہے۔

جلد کی خوبصورتی کے لیے مفید
سیب کے سرکے کو خشک جلد اور چنبل جیسے مسائل کے حل کے لیے بھی استعمال کیا جا سکتا ہے۔ جلد میں موجود قدرتی تیزابیت میں کمی ہونے پر مختلف جلدی مسائل پیدا ہو سکتے ہیں۔ سیب کے سرکے کا استعمال جلد کی قدرتی تیزابیت کو بحال کرنے میں مدد دیتا ہے، جس سے جلد نرم و ملائم رہتی ہے۔

پیٹ اور کمر کی چربی کم کرنے میں مؤثر
تحقیق میں یہ بات سامنے آئی ہے کہ سیب کے سرکے میں موجود ایسٹیک ایسڈ پیٹ اور کمر کے ارد گرد جمع ہونے والی چربی کو گھلانے میں مدد دیتا ہے۔ موٹاپے کے شکار افراد پر کی جانے والی ایک تحقیق میں بھی یہ بات سامنے آئی کہ سیب کے سرکے کے استعمال سے وزن میں کمی ممکن ہے، تاہم اس پر مزید تحقیق کی ضرورت ہے۔

قدرتی جراثیم کش
سیب کا سرکہ جراثیموں کے خاتمے کے لیے بھی مفید سمجھا جاتا ہے۔ اس کا استعمال گھریلو صفائی میں کیا جائے تو یہ فرش اور دیگر جگہوں پر موجود نقصان دہ بیکٹیریا کو ختم کرنے میں مددگار ثابت ہوتا ہے۔

دانتوں کی سفیدی میں مددگار
اگر دانتوں پر داغ یا پیلاہٹ ہے تو سیب کے سرکے سے غرارے کرنا فائدہ مند ثابت ہوسکتا ہے۔ یہ نہ صرف دانتوں کی چمک بحال کرتا ہے بلکہ منہ میں موجود بیکٹیریا کو بھی ختم کرتا ہے۔ تاہم، غرارے کے بعد دانتوں کو معمول کے مطابق برش کرنا ضروری ہے تاکہ دانتوں کی صحت برقرار رہے۔

سیب کا سرکہ قدرت کا ایک بہترین تحفہ ہے، جس کے فوائد صحت کے مختلف پہلوؤں کو بہتر بنا سکتے ہیں۔ لیکن اس کا استعمال اعتدال میں رکھنا ضروری ہے تاکہ کسی بھی ممکنہ نقصان سے بچا جا سکے۔