کراچی: عالمی اور مقامی منڈیوں میں سونے کی قیمتوں میں زبردست اضافہ دیکھنے میں آیا ہے، جس کے بعد سونا تاریخ کی نئی بلند ترین سطح پر پہنچ گیا۔
بین الاقوامی بلین مارکیٹ میں منگل کے روز فی اونس سونے کی قیمت میں 69 ڈالر کے نمایاں اضافے کے بعد نرخ بڑھ کر 4 ہزار 140 ڈالر فی اونس تک جا پہنچے۔
اسی طرح پاکستان کے صرافہ بازاروں میں بھی سونے کی قیمتوں میں بڑا اضافہ ریکارڈ کیا گیا، جہاں 24 قیراط فی تولہ سونا 6 ہزار 900 روپے مہنگا ہو کر 4 لاکھ 35 ہزار 100 روپے کی ریکارڈ سطح پر پہنچ گیا۔
مزید برآں، فی 10 گرام سونا 5 ہزار 916 روپے کے اضافے سے بڑھ کر 3 لاکھ 73 ہزار 28 روپے کا ہو گیا، جو ملکی تاریخ میں اب تک کی بلند ترین قیمت ہے۔
تجزیہ کاروں کا کہنا ہے کہ عالمی سطح پر معاشی غیر یقینی اور ڈالر کی قدر میں اتار چڑھاؤ کے باعث سونے کی قیمتوں میں مزید اضافہ متوقع ہے۔
