کراچی:ملک بھر میں سونے کی قیمتوں میں ریکارڈ اضافہ ہوا ہے جس کے بعد نرخ تاریخ کی بلند ترین سطح پر جا پہنچے۔
عالمی بلین مارکیٹ میں پیر کے روز فی اونس سونا 61 ڈالر مہنگا ہو کر 3 ہزار 613 ڈالر پر جا پہنچا، جو اب تک کی سب سے زیادہ قیمت ہے۔
مقامی مارکیٹ میں بھی سونے کے نرخ آسمان کو چھونے لگے۔ 24 قیراط فی تولہ سونا 6 ہزار 100 روپے کے اضافے سے 3 لاکھ 84 ہزار روپے تک جا پہنچا، جب کہ فی 10 گرام سونے کی قیمت 5 ہزار 230 روپے بڑھنے کے بعد 3 لاکھ 29 ہزار 219 روپے ریکارڈ کی گئی۔
