سونے اور چاندی کی قیمتوں میں پھر اضافہ

کراچی: عالمی اور مقامی مارکیٹ میں سونے کی قیمتوں میں آج ایک مرتبہ پھر نمایاں اضافہ دیکھنے میں آیا ہے۔
بین الاقوامی بلین مارکیٹ میں فی اونس سونے کی قیمت 26 ڈالر بڑھ کر نئی عالمی قیمت 4,325 ڈالر تک پہنچ گئی۔
مقامی صرافہ مارکیٹ میں بھی آج پیر کے روز 24 قیراط کے فی تولہ سونے کی قیمت 2,600 روپے کے اضافے کے ساتھ 454,862 روپے ہو گئی۔ اسی طرح فی 10 گرام سونے کی قیمت میں 2,229 روپے کا اضافہ ہوا اور یہ 389,970 روپے کی سطح پر پہنچ گئی۔
چاندی کی قیمتوں میں بھی اضافہ دیکھا گیا، فی تولہ چاندی 68 روپے مہنگی ہو کر 6,532 روپے پر آگئی جبکہ فی 10 گرام چاندی کی قیمت 59 روپے بڑھ کر 5,600 روپے ہو گئی۔