سونے اور چاندی کی قیمتوں میں پھر اضافہ

کراچی: سونے کی قیمتوں میں ایک دن کی کمی کے بعد آج دوبارہ اضافہ دیکھا گیا۔
بین الاقوامی مارکیٹ میں فی اونس سونا 27 ڈالر بڑھ کر 3 ہزار 645 ڈالر تک پہنچ گیا۔
مقامی صرافہ بازار میں بھی سونے کی قیمتوں میں اضافہ ہوا، جہاں 24 قیراط فی تولہ سونا 2 ہزار 500 روپے بڑھ کر 3 لاکھ 86 ہزار 500 روپے ہو گیا۔ اسی طرح فی 10 گرام سونا بھی 2 ہزار 143 روپے اضافے کے ساتھ 3 لاکھ 31 ہزار 361 روپے تک پہنچ گیا۔
چاندی کی قیمتوں میں بھی اضافہ ریکارڈ ہوا۔ فی تولہ چاندی 130 روپے بڑھ کر 4 ہزار 456 روپے اور فی 10 گرام چاندی 112 روپے اضافے کے بعد 3 ہزار 820 روپے ہو گئی۔