بنگلادیش کی انٹرنیشنل کرائمز ٹریبونل-1 نے سابق وزیر اعظم شیخ حسینہ واجد کو انسانیت کے خلاف جرائم کے مقدمے میں سزائے موت کا حکم سنا دیا ہے۔ عدالت نے اپنے فیصلے میں کہا کہ معزول اور مفرور سابق وزیراعظم شیخ حسینہ کے خلاف گزشتہ برس جولائی میں ہونے والی بغاوت کے دوران سنگین نوعیت کے جرائم ثابت ہو گئے ہیں۔
اسی کیس میں سابق وزیر داخلہ اسد الزماں خان کمال اور سابق آئی جی پولیس چودھری عبداللہ المامون کو بھی شریکِ ملزم قرار دیا گیا ہے۔ اسد الزماں اب بھی مفرور ہیں، جب کہ مامون اس وقت حراست میں ہیں اور پہلے ہی اعترافِ جرم کر چکے ہیں۔ چودھری عبداللہ المامون 2010 میں ٹریبونل کے قیام کے بعد ریاستی گواہ بننے والے پہلے مجرم بھی ہیں۔
فیصلے کے بعد کیس میں مزید قانونی کارروائی کے امکانات ظاہر کیے جا رہے ہیں۔