اسلام آباد: غزہ کے مظلوم عوام کے لیے امداد لے جانے اور اسرائیلی محاصرہ توڑنے کی مہم میں شریک سابق سینیٹر مشتاق احمد کی وطن واپسی پر اسلام آباد ایئرپورٹ پر عوام کا پرجوش استقبال کیا گیا۔
سینکڑوں افراد ایئرپورٹ پہنچے جہاں فضا فلسطین کے حق میں اور اسرائیل کے خلاف نعروں سے گونج اٹھی۔ شہریوں نے پھولوں کی پتیاں نچھاور کیں اور فلسطینی پرچم لہرا کر مشتاق احمد کے حق میں نعرے لگائے۔
استقبال کے موقع پر خواتین، نوجوانوں اور بچوں کی بڑی تعداد بھی موجود تھی۔ عوام کا کہنا تھا کہ مشتاق احمد نے عالمی سطح پر امت مسلمہ اور فلسطین کے مؤقف کو بھرپور انداز میں پیش کیا، جس پر قوم ان پر فخر محسوس کرتی ہے۔
