اسٹینفورڈ یونیورسٹی کے سائنسدانوں نے ایک ایسی سادہ مگر مؤثر ترکیب دریافت کی ہے جس کے ذریعے وزن کم کرنا ممکن ہے، وہ بھی اپنی پسندیدہ غذاؤں کو چھوڑے بغیر۔
تحقیق کے مطابق وزن کم کرنے کا انحصار اس بات پر نہیں کہ آپ کیا کھا رہے ہیں، بلکہ اس بات پر ہے کہ آپ کھانے میں کس ترتیب سے چیزیں کھاتے ہیں۔ ماہرین کا کہنا ہے کہ اگر کھانے کے آغاز میں پروٹین اور فائبر سے بھرپور اشیاء، جیسے انڈے یا سبزیاں کھائی جائیں اور کاربوہائیڈریٹس کو آخر میں کھایا جائے تو خون میں شوگر کی سطح کم بڑھتی ہے۔
نیچر میڈیسن میں شائع اس تحقیق کے سربراہ پروفیسر مائیکل اسنائیڈر نے بتایا کہ کاربوہائیڈریٹس سے پہلے فائبر یا پروٹین کھانے سے نہ صرف بلڈ شوگر کنٹرول میں رہتی ہے بلکہ کھانے کی طلب بھی کم محسوس ہوتی ہے، جو بالآخر وزن گھٹانے میں مددگار ثابت ہوتی ہے۔
سائنسدانوں کے مطابق یہ تبدیلی غذائی عادات میں معمولی ہے، مگر اس کا اثر انسانی جسم پر بہت مثبت ہو سکتا ہے۔
