دنیاپور(نمائندہ قوم)دنیاپور سے تعلق رکھنے والا ایک نوجوان کراچی سے واپسی پر کشمور کے قریب مبینہ طور پر ہنی ٹریپ کا شکار ہو کر اغوا کر لیا گیا۔ اغوا کاروں نے اہل خانہ سے ایک کروڑ روپے تاوان کا مطالبہ کیا ہے۔ متاثرہ خاندان نے حکومت اور قانون نافذ کرنے والے اداروں سے فوری کارروائی کر کے بازیابی کی اپیل کی ہے تفصیل کے مطابق دنیاپور کے نواحی علاقے چکنمبر 366 ڈبلیو بی کا محمد عمران کراچی محنت مزدوری کرتا تھا اور اپنے بچوں گھر والوں کا پیٹ پالتا تھا۔ گزشتہ ہفتے کراچی سے اپنے گھر دنیاپور واپس آ رہا تھا جب کشمور کے قریب وہ ہنی ٹریپ کا شکار ہو کر بس سے اتر گیا اور اغوا کر لیا گیا۔ اہل خانہ کے مطابق عمران بس سے اترتے ہی لاپتہ ہو گیا۔ کچھ دیر بعد اغوا کاروں کی جانب سے رابطہ کیا گیا اور ایک کروڑ روپے تاوان کا مطالبہ سامنے آیا۔عمران کی والدہ نے بتایا کہ عمران کے چار بچے ہیںجن میں ایک بیٹا سماعت اور گویائی سے محروم ہے۔اہل خانہ نے وزیر اعلیٰ پنجاب اور اعلیٰ حکام سے اپیل کی ہے کہ عمران کو فوری بازیاب کرایا جائےادھر علاقے میں واقعے کے بعد شدید خوف و ہراس پایا جا رہا ہےاور شہریوں نے بھی حکومت سے فوری ایکشن لینے کا مطالبہ کیا ہے۔
