تہران: ایران کے سپریم لیڈر آیت اللہ علی خامنہ ای نے قوم کو حوصلہ دیتے ہوئے کہا ہے کہ خوف اور مایوسی سے نکل کر دشمن کے سامنے اپنی طاقت اور اتحاد کا بھرپور مظاہرہ کریں۔
سماجی رابطے کی ویب سائٹ “ایکس” پر جاری بیان میں آیت اللہ خامنہ ای نے کہا کہ اگر قوم معمولی سی بھی کمزوری دکھائے گی تو دشمن اس کا فائدہ اٹھائے گا اور انہیں خوف میں مبتلا رکھنے کی کوشش کرے گا۔
انہوں نے کہا کہ ایرانی قوم نے جس عزم، یکجہتی اور جرات سے اب تک دشمن کا سامنا کیا ہے، اُسے مزید مضبوطی اور قوت کے ساتھ جاری رکھنا چاہیے۔
سپریم لیڈر نے اپنے پیغام میں قرآن مجید کی ایک آیت کا حوالہ دیتے ہوئے کہا: “فتح صرف اللہ کی طرف سے ہے، جو غالب اور حکمت والا ہے۔”
انہوں نے مزید لکھا کہ اللہ تعالیٰ مہربان ہے اور وہ سچائی پر ڈٹے ہوئے ایران کو عظیم فتح عطا کرے گا، کیونکہ ہم حق کے راستے پر ہیں۔
