ایران اور اسرائیل کے درمیان جاری جنگ کی وجہ سے خطے میں کئی ممالک کی فضائی حدود بند ہو چکی ہیں جس کے باعث مختلف غیر ملکی ایئرلائنز نے متبادل راستے کے طور پر پاکستانی فضائی حدود استعمال کرنا شروع کر دی ہے۔
رپورٹ کے مطابق ایمریٹس سمیت کئی بڑی بین الاقوامی ایئرلائنز شمالی امریکہ، مصر اور دیگر ممالک کے لئے پروازوں کے دوران پاکستان کی فضائی حدود سے گزر رہی ہیں۔
ایئرلائنز مغربی پاکستان سے پرواز کرتے ہوئے افغانستان، ترکمانستان، بحیرہ کیسپین، آذربائیجان اور ترکی کے راستے اپنی منزلوں کی جانب جا رہی ہیں۔
جنگ کے سبب ایران، عراق، شام، اردن اور اسرائیل کی فضائی حدود تاحال بند ہیں جس کے باعث یہ تبدیلی کی گئی ہے۔
