اس ہفتے 28 اپریل سے 4 مئی تک تمام دن کئی طرح سے آپ کی کامیابی میں اہم کردار ادا کریں گے۔ وقت کا رویہ اچھا ہو یا برا، انسانی کامیابیوں پر اثر انداز ہوتا ہے۔ اگر فصل بہار ہو اور آپ نے بیج بوئے ہوں تو اس کا پھل اچھا آتا ہے۔ اگر فصل خزاں ہو اور آپ پوری محنت کر کے بیج بو دیں، تب بھی فطرت کی حمایت نہ ہونے کی وجہ سے آپ کو کچھ جدوجہد کا سامنا کرنا پڑ سکتا ہے۔ لیکن اس وقت، 28 اپریل کو جب نیا چاند ہوگا، تو آپ کے لیے فصلِ بہار کا آغاز ہو جائے گا۔
28 اپریل کو نیا چاند آپ کے چھٹے زاویے پر ہوگا، تو تمام وہ جسمانی مشقتیں، تمام وہ ذہنی کیفیات جو آپ کو کسی فیصلے سے دور رکھتی تھیں، ختم ہو جائیں گی۔ آپ بہتر انداز میں اپنی جسمانی قوت، ذہنی آسودگی، علم، جذبات کو استعمال کرتے ہوئے اچھے فیصلے کریں گے۔ ہر قسم کے اچھے فیصلے، جیسے مالی فیصلے، خاندانی فیصلے، تعلقات کے فیصلے، تعلیمی فیصلے، عوامی فیصلے، قانونی فیصلے—ان سب میں آپ کو اس نئے چاند سے تقویت ملے گی۔ اور اس کا اثر آپ کی زندگی پر تین دن رہے گاوہ تین دن ہیں 28 ، 29 اور 30 اپریل ۔
وینس جو آپ کے لیے ایک انتہائی اہم سیارہ ہے اور اکثر آپ کی کامیابیوں میں اہم کردار ادا کرتا ہے، پھر 4 مئی کو اچھی حالت میں آ جائے گا۔ وینس آپ کے پانچویں زاویے پر سال میں صرف ایک بار صرف 25 دنوں کے لیے آتا ہے۔ اور یہ آپ کی کامیابیوں کو آسان اور ہموار راستے سے دکھاتا ہے۔ جس کا مطلب یہ ہے کہ آپ نے جو شرائط و ضوابط اپنی سہولت کے مطابق بنائے ہیں، انہی پر آپ کو کامیابیاں ملیں گی۔ تقریباً تمام کامیابیاں، جیسا کہ آپ اپنی معاشرتی اقدار پر کام کر رہے ہیں۔ آپ اپنی کشش پر کام کر رہے ہیں۔ اپنی امن و خوشی پر کام کر رہے ہیں۔ آپ اپنی محبت کی زندگی پر کام کر رہے ہیں۔ آپ اپنی نوکری پر کام کر رہے ہیں ۔چاہے نوکری بدلنا ہو یا نئی ملازمت حاصل کرنا ہو۔
آپ اپنے کاروبار میں کچھ سرمایہ کاری یا نئے منصوبے شروع کرنے کی کوشش کر رہے ہیں۔
ہر جگہ وینس آپ کو جذباتی شدت دے گا، جس سے آپ خوشی خوشی وہ کام کر جائیں گے، تھکیں گے نہیں، اچھا محسوس کریں گے، اور اس احساس کے تحت آپ کا دل اس کام میں لگے گا۔
وینس کا ایک اور فائدہ یہ ہے کہ وینس آپ کے گیارہویں زاویے کی نمائندگی کرتا ہے۔ لہٰذا، اے سیجیٹیرین! آپ کچھ “جمپنگ سٹائل کامیابیوں” کے امیدوار ہیں۔ 4 مئی کے بعد “جمپنگ سٹائل کامیابیاں” کا مطلب یہ ہے کہ حساب کتاب کے مطابق آپ کو تھوڑا تھوڑا آگے بڑھنا تھا—ایک مہینے، دو مہینے، تین مہینے میں—اور محتاط فیصلے تھے۔ لیکن جب وینس اس قدر مثبت ہوگا، تو غیر متوقع مثبت انعامات آپ کو ملیں گے، جو آپ کی توقعات سے بڑھ کر نتائج دیں گے۔
وینس کا آخری فائدہ یہ ہے کہ وینس آپ کے روحانی تعلقات، روحانی بندھن، عوامی تعلقات، بزرگوں سے تعلقات، خاندان کے اراکین سے تعلقات، اور موسمی حالات، گھر، لباس—ان تمام شعبوں سے بھی آپ کو خوشی ملے گی۔ ان دو تبدیلیوں کے بعد، 28 اپریل سے جو نیا سیزن شروع ہو رہا ہے، وہ سیجیٹیرینز کو اپنے ہدف پر رکھے گا۔ دماغ اور دل ایک ہی لکیر پر ہوں گے۔ منصوبوں کو عملی جامہ پہناتے ہوئے، آپ کی دلچسپی آپ کے حقیقی ہتھیار ثابت ہوگی۔ آپ کے تعلقات آپ کی کامیابی میں معاون ثابت ہوں گے۔ آپ کے منصوبے آپ کی زندگی میں فائدہ پہنچائیں گے، اور آپ کی زندگی سے نکل کر آپ کے زیرِ کفالت افراد کو بھی فائدہ پہنچائیں گے۔
آپ کے لیے سورج بھی اس وقت چھٹے زاویے پر ہے۔ یہ آپ کی انتظامی صلاحیتوں کے لیے مثبت ہے، آپ کی قیادتی صلاحیتوں کے لیے مثبت ہے، آپ کے اعتماد کے لیے مثبت ہے۔
آپ کے لیے مشتری (جیوپیٹر) اس وقت ساتویں زاویے پر ہے۔ یہ مثالی ہے۔ یہ آپ کی رفاقت کے لیے ایک مثالی سیارہ ہے۔ اگر آپ کا کوئی کاروباری پارٹنر ہے، تو اس کی طرف سے آپ کو خوش قسمتی مل سکتی ہے۔ زندگی کے ساتھی کی طرف سے آپ کو خوش قسمتی ملے گی۔ گھریلو خواتین اگر اپنے گھر کو چلانے کے لیے کسی کام یا مشن کا آغاز کرنا چاہتی ہیں، تو وہ کر پائیں گی اور کامیاب رہیں گی۔
زحل (سیٹرن) آپ کے چوتھے زاویے پر ہے۔ زحل آپ کے دوسرے زاویے کی نمائندگی کرتا ہے۔ دوسرا زاویہ موروثی فوائد سے متعلق ہے—خواہ مادی ہوں یا غیر مادی۔ جینیاتی صلاحیتوں کی پالش ہونا، جو والدین کی طرف سے ہمیں عادات ملتی ہیں، ان کا نکھرنا، والدین کی طرف سے جو ورثہ ملتا ہے، اس کا فروغ پانا یا آسانی سے بغیر کسی مسئلے کے میسر آنا۔
زحل آپ کی خاندانی زندگی کا بھی ذمہ دار ہے۔ اگر کوئی سیجیٹیرین اپنی خاندانی زندگی سے ناخوش ہے، خاندان کے کسی رکن سے ناراض ہے یا کوئی تنازعہ ہے، تو وہ بھی حل ہوگا۔
تو مجموعی طور پر، اب تک میں نے جو سیارے آپ کے سامنے رکھے ہیں، وہ اس وقت ایک خوشگوار رویہ پیدا کر رہے ہیں۔ جب تمام سیارے مثبت ہوں، تو اس کا مطلب ہے کہ یہ آپ کے حقیقی مشنوں کو پانے کا سنہری موسم ہے۔ عام ضروریات نہیں—سونے کا وقت کیا ہے، کھانا کیا ہے، دو وقت کی روٹی کیسے کمانی ہے، یہ عام مشنز ہیں۔ بڑے مشنز یا زندگی کے مشنز کا مطلب ہے کہ آپ زندگی میں کیا کرنا چاہتے ہیں؟ اس کے لیے یہ وقت موزوں ہے۔
لہٰذا، بہادر بنیں، پراعتماد بنیں، اور وہ سب کچھ کریں جو آپ کرنا چاہتے ہیں۔ وقت آپ کو صحت، تندرستی، تعلیمی عوامل، محبت کی زندگی، تعلقات—سب کچھ دے رہا ہے۔ اگر اس کے باوجود کوئی سیجیٹیرین کسی وجہ سے الجھا ہوا ہے—پچھلے فیصلوں کی وجہ سے، پچھلے تجربات کی وجہ سے، غیر فیصلہ کن رویے کی وجہ سے، غصے کی وجہ سے—تو اسے فوراً سورہ شمس پڑھنی چاہیے ۔
