اسلام آباد میں آئل اینڈ گیس ریگولیٹری اتھارٹی (اوگرا) نے یکم جون سے مائع پیٹرولیم گیس (ایل پی جی) کی قیمتوں میں کمی کا اعلان کر دیا۔ اوگرا کے نوٹیفکیشن کے مطابق گھریلو سلنڈر کی قیمت میں 54 روپے 60 پیسے کمی کی گئی ہے، جس کے بعد 11.8 کلو گرام کے گھریلو سلنڈر کی نئی قیمت 2838 روپے 31 پیسے مقرر کی گئی ہے۔
نوٹیفکیشن میں مزید بتایا گیا کہ فی کلو ایل پی جی کی قیمت میں 4 روپے 63 پیسے کی کمی ہوئی ہے، جس کے بعد نئی قیمت 240 روپے 53 پیسے فی کلو ہوگی۔
