ایشیا کپ 2025 کے سپر فور مرحلے میں پاکستان کے خلاف اہم مقابلے سے قبل بھارتی ٹیم کو بڑا جھٹکا لگا ہے۔ رپورٹس کے مطابق آل راؤنڈر اکشر پٹیل انجری کا شکار ہو گئے ہیں اور ان کی میچ میں شرکت غیر یقینی ہو گئی ہے۔
بھارتی میڈیا کا کہنا ہے کہ اکشر پٹیل عمان کے خلاف میچ میں فیلڈنگ کے دوران زخمی ہوئے تھے۔ اس حوالے سے پریس کانفرنس میں بھارتی ٹیم کے فیلڈنگ کوچ دلیپ نے کہا کہ ’’وہ اس وقت بالکل ٹھیک لگ رہے ہیں، اس بارے میں فی الحال اتنا ہی کہا جا سکتا ہے۔‘‘
خیال رہے کہ پاکستان اور بھارت کل سپر فور کے مرحلے میں دبئی انٹرنیشنل اسٹیڈیم میں مدمقابل ہوں گے، جہاں شائقین کرکٹ ایک سنسنی خیز مقابلے کی توقع کر رہے ہیں۔
