ایرانی حکام کا کہنا ہے کہ انہوں نے اسرائیلی خفیہ ایجنسی موساد سے منسلک دو افراد کو حراست میں لے لیا ہے۔ یہ کارروائی البرز صوبے میں اس وقت عمل میں آئی جب دونوں مشتبہ افراد دھماکہ خیز مواد اور الیکٹرانک آلات کی تیاری میں مصروف تھے۔
ایرانی نیم سرکاری نیوز ایجنسی تسنیم کے مطابق، گرفتار افراد پر الزام ہے کہ وہ اسرائیل کے لیے جاسوسی کے علاوہ ایران کے جوہری پروگرام کو نقصان پہنچانے کے لیے تخریبی سرگرمیوں میں شامل تھے۔
ایران اور اسرائیل کے درمیان طویل عرصے سے جاری خفیہ محاذ آرائی کے دوران ایران متعدد افراد کو موساد سے روابط کے الزام میں گرفتار کر چکا ہے، جن میں سے بعض کو سزائے موت بھی سنائی گئی ہے۔
