ایرانی حملوں کے بعد اسرائیلی وزیر دفاع کی ایران کو سنگین دھمکی
اتوار اور پیر کی درمیانی شب ایران کی جانب سے کیے گئے میزائل حملوں کے بعد اسرائیلی وزیر دفاع نے سخت ردعمل دیا ہے۔
اسرائیلی وزیر دفاع نے کہا کہ ان حملوں کی بھاری قیمت تہران کے شہریوں کو ادا کرنا ہوگی۔ ان کے مطابق ایرانی میزائل حملوں میں اسرائیل کے متعدد افراد ہلاک اور درجنوں زخمی ہوئے ہیں، جس کا بدلہ جلد لیا جائے گا۔
انہوں نے الزام عائد کیا کہ ایران کے سپریم لیڈر علی خامنہ ای نے جان بوجھ کر عام شہری آبادی کو نشانہ بنایا تاکہ اسرائیلی فوج کے آپریشنز اور دفاعی صلاحیت کو متاثر کیا جا سکے۔
اسرائیلی وزیر دفاع کا کہنا تھا کہ اسرائیل ان حملوں کا جلد بھرپور جواب دے گا۔
