واشنگٹن: امریکی صدر ڈونلڈ ٹرمپ نے حماس کو کڑی وارننگ دیتے ہوئے کہا ہے کہ یرغمالیوں کو انسانی ڈھال کے طور پر استعمال کرنا سنگین نتائج کو جنم دے گا۔
سوشل میڈیا پیغام میں ٹرمپ نے ان خدشات کا اظہار کیا کہ حماس اسرائیلی زمینی کارروائی کا مقابلہ کرنے کے لیے یرغمالیوں کو ڈھال بنانے کی منصوبہ بندی کر رہی ہے۔ ان کا کہنا تھا کہ اگر ایسا ہوا تو اس کے بھیانک نتائج ہوں گے جنہیں حماس قیادت برداشت نہیں کر پائے گی۔
امریکی صدر نے ممکنہ اقدام کو انسانی المیہ قرار دیتے ہوئے زور دیا کہ یرغمالیوں کو فوری طور پر رہا کیا جائے، بصورت دیگر تمام شرائط ختم سمجھی جائیں گی۔
دوسری جانب، ٹرمپ نے ایک مرتبہ پھر قطر کو اہم اتحادی قرار دیا اور کہا کہ اسرائیل قطر پر دوبارہ حملہ نہیں کرے گا۔
