اسلام آباد: ڈسٹرکٹ اینڈ سیشن کورٹ اسلام آباد نے بانی پاکستان تحریکِ انصاف (پی ٹی آئی) کے خلاف 9 مئی اور دیگر پانچ مقدمات کی آئندہ سماعت پر انہیں عدالت میں یا ویڈیو لنک کے ذریعے پیش ہونے کی ہدایت جاری کی ہے۔
ایڈیشنل سیشن جج محمد افضل مجوکا نے بانی پی ٹی آئی کے خلاف یہ مقدمات سنے۔ عدالت نے بانی پی ٹی آئی اور بشریٰ بی بی کی عبوری ضمانت کی درخواستیں 6 فروری تک بڑھا دی ہیں۔
بانی پی ٹی آئی عدالت میں پیش نہ ہو سکے، جس کی وجہ سے ضمانت کی درخواستوں پر دلائل نہیں ہو سکے۔ عدالت نے سماعت 6 فروری تک ملتوی کر دی۔
بانی پی ٹی آئی کے خلاف 9 مئی کی کارروائی، اقدام قتل، جعلی رسیدوں سمیت متعدد مقدمات درج ہیں، جبکہ بشریٰ بی بی کے خلاف مبینہ جعلی رسیدیں جمع کروانے پر کیس درج ہے۔
