عالمی اور مقامی مارکیٹوں میں سونے کی قیمت میں تاریخی اضافہ، نئی بلندیاں چھو لیں

عالمی اور مقامی مارکیٹوں میں سونے کی قیمت میں ایک اور بڑا اضافہ ہوا، جس کے نتیجے میں اس کے نرخ تاریخی سطح پر پہنچ گئے ہیں۔
رپورٹ کے مطابق عالمی مارکیٹ میں سونے کی قیمت میں 78 ڈالر کا اضافہ ہوا، جس سے فی اونس سونا 3118 ڈالر کی بلند ترین قیمت پر پہنچ گیا۔عالمی سطح پر قیمتوں کے اضافے کے بعد ملکی بازاروں میں سونے کی قیمت میں 7 ہزار 800 روپے کا اضافہ ہوگیا۔
یہ اضافے کے بعد فی تولہ سونا 3 لاکھ 28 ہزار 800 روپے تک پہنچ گیا، جبکہ 10 گرام سونے کی قیمت 6 ہزار 688 روپے کے اضافے کے ساتھ 2 لاکھ 81 ہزار 893 روپے ہوگئی۔