عالمی اور مقامی سطح پر سونے کی قیمتوں میں نمایاں اضافہ ریکارڈ کیا گیا ہے۔ بین الاقوامی بلین مارکیٹ میں فی اونس سونا 31 ڈالر اضافے کے بعد 3,357 ڈالر کی بلند سطح پر پہنچ گیا ہے۔
مقامی مارکیٹ میں بھی سونے کی قیمتوں میں اضافہ دیکھا گیا ہے جہاں فی تولہ سونے کی قیمت 3,100 روپے بڑھ کر 354,100 روپے تک جا پہنچی ہے۔
اسی طرح فی دس گرام سونے کی قیمت میں بھی 2,658 روپے کا اضافہ ہوا ہے، جس کے بعد یہ 303,583 روپے کی سطح پر پہنچ گئی ہے۔
ماہرین کے مطابق عالمی منڈی میں سونے کی بڑھتی ہوئی طلب اور دیگر عوامل کی وجہ سے قیمتوں میں یہ اضافہ ہوا ہے جو ملکی مارکیٹ پر بھی اثرانداز ہو رہا ہے۔
