اسلام آباد: ترجمان دفتر خارجہ شفقت علی خان نے پاکستانی شہریوں پر ممکنہ امریکی سفری پابندیوں کے حوالے سے میڈیا میں گردش کرنے والی خبروں کو محض قیاس آرائیاں قرار دیا ہے۔ انہوں نے ہفتہ وار بریفنگ کے دوران کہا کہ امریکا میں پاکستانی شہریوں کے داخلے پر پابندی کے حوالے سے کوئی سرکاری اطلاع موصول نہیں ہوئی ہے۔ پاکستان نے ان خبروں کا نوٹس لیا ہے اور اس معاملے پر امریکا سے رابطے میں ہے۔
