سعودی پرو لیگ کے آخری مرحلے میں کرسٹیانو رونالڈو کی شاندار کارکردگی کی بدولت النصر نے داماک کو 1-4 سے شکست دے کر لیگ ٹائٹل جیت لیا۔
اس فتح کے ساتھ النصر نے مجموعی طور پر 86 پوائنٹس حاصل کیے اور اپنے روایتی حریف الہلال کو دو پوائنٹس کے فرق سے پیچھے چھوڑتے ہوئے ٹائٹل اپنے نام کیا۔
یہ 2019 کے بعد النصر کا پہلا سعودی پرو لیگ ٹائٹل ہے جبکہ کرسٹیانو رونالڈو کے لیے بھی سعودی عرب میں یہ پہلی لیگ کامیابی ثابت ہوئی۔
میچ میں پہلا گول 34ویں منٹ میں سادیو مانے نے جواو فیلکس کے کارنر پر شاندار ہیڈر کے ذریعے اسکور کیا، جس سے النصر کو برتری ملی۔
دوسرے ہاف میں کنگزلے کومان نے شاندار انفرادی کھیل کا مظاہرہ کرتے ہوئے گیند کو جال میں پہنچا کر برتری کو مزید مضبوط کیا۔
داماک نے پنالٹی کے ذریعے ایک گول کر کے مقابلہ کم کیا، تاہم اس کے فوراً بعد رونالڈو نے دلکش فری کک پر گول کر کے میچ پر دوبارہ گرفت حاصل کر لی۔
81ویں منٹ میں رونالڈو نے ایک اور فیصلہ کن گول اسکور کیا جس نے النصر کی فتح اور ٹائٹل کو یقینی بنا دیا۔
میچ کے اختتام پر رونالڈو جذبات پر قابو نہ رکھ سکے اور خوشی سے آبدیدہ ہو گئے۔
