لاہور کے علاقے نواب ٹاؤن میں گھریلو تنازع نے خونی رخ اختیار کر لیا جہاں سوشل میڈیا پر متحرک ٹک ٹاکر آیت مریم کو مبینہ طور پر اس کے شوہر سعد نے گلا دبا کر قتل کر دیا۔
پولیس کے مطابق معمولی تلخ کلامی کے بعد ہونے والی اس افسوسناک واردات میں مقتولہ کی جان لے لی گئی۔
ایس پی ڈاکٹر غیور احمد خان کا کہنا ہے کہ نواب ٹاؤن پولیس نے جدید ٹیکنالوجی اور پیشہ ورانہ مہارت کا استعمال کرتے ہوئے قتل میں ملوث ملزم سعد کو صرف 24 گھنٹوں میں گرفتار کر لیا۔
پولیس تفتیش کے مطابق آیت مریم اور اس کے شوہر کے درمیان اکثر جھگڑے ہوتے رہتے تھے۔
قتل کا مقدمہ درج کر لیا گیا ہے اور ملزم کو مزید تفتیش کے لیے انویسٹی گیشن ٹیم کے حوالے کر دیا گیا ہے، جس کے بعد اصل محرکات مزید واضح ہو سکیں گے۔
