وزیراعظم شہباز شریف اور مریم نواز کے بیلاروس اور ترکیہ کے اہم دورے طے

اسلام آباد: وزیراعظم شہباز شریف 10 اپریل بروز جمعرات بیلاروس کے سرکاری دورے پر روانہ ہوں گے۔
وزیراعظم کے ہمراہ وزیراعلیٰ پنجاب مریم نواز اور سینیئر وزیر مریم اورنگزیب بھی بیلاروس جائیں گی۔
دورے کے دوران شہباز شریف بیلاروس کے صدر سے ملاقات کریں گے اور پھر وطن واپس لوٹیں گے۔
بیلاروس سے واپسی پر وزیراعظم شہباز شریف، نواز شریف کے ہمراہ لندن روانہ ہوں گے۔ شہباز شریف مختصر قیام کے بعد واپس آئیں گے، جبکہ نواز شریف لندن میں دو ہفتے قیام کریں گے اور اپنا طبی معائنہ کرائیں گے۔
وزیراعلیٰ پنجاب مریم نواز بیلاروس کا دورہ مکمل کرنے کے بعد 11 اپریل کو ترکیہ روانہ ہوں گی، جہاں ان کے ہمراہ مریم اورنگزیب بھی موجود ہوں گی۔
مریم نواز 12 اپریل کو چوتھے اناطولیہ ڈپلومیٹک فورم میں خطاب کریں گی اور 13 اپریل کو متفقہ قرارداد کے بعد وطن واپس لوٹیں گی۔