لاہور: پولیس نے گن پوائنٹ پر لڑکی سے زیادتی اور نازیبا ویڈیوز بنانے والے شخص کو گرفتار کرلیا۔ پولیس کے مطابق جدید ٹیکنالوجی کی مدد سے ملزم کو مدینہ کالونی گجومتہ سے گرفتار کیا گیا۔
تحقیقات کے مطابق ملزم نے متاثرہ لڑکی کے واش روم میں خفیہ کیمرہ نصب کیا اور قابل اعتراض ویڈیوز بنائیں، جنہیں وائرل کرنے کی دھمکی دے کر کئی بار زیادتی کی۔ پولیس کا کہنا ہے کہ ملزم نے گن پوائنٹ پر لڑکی سے اپنے دوست کے ذریعے بھی زیادتی کروائی۔
ملزم نے منصوبہ بندی کے تحت لڑکی کو بہانے سے اپنے گھر بلایا، جہاں اس نے یہ گھناؤنا عمل انجام دیا۔ پولیس کے مطابق ملزم زاہد، متاثرہ لڑکی کا رشتے دار ہے اور اس کے خلاف مقدمہ درج کر کے کیس کو جینڈر سیل کے حوالے کر دیا گیا ہے۔
